اغانى وتعبانى

اغانى و تعبانى
*******************
تعالى اسمع المغنى *** اللى صبح لعنه
يوماتى نستفتح *** بزعيق على دماغنا
وسائل الاعلام *** قاصدة تدلعنا
بعتلنا فى الارسال *** اصوات تزغزغنا
فاكره ان ده يعنى *** تخفيف لأوجاعنا
بقى كله بيغنى *** على نغمه اشمعنى
بكلام مالوش معنى *** لوث مسامعنا
ولو لقيت فيه معنى *** فيه الشمس توجعنا
واحد عمل ولهان *** سيل لنا دموعنا
والتانى بيطرطش *** فى دموع تسقعنا
وواحده تتشحتف *** وصويتها يلدعنا
حالفه ما تتنازل *** عنه ولا تستغنى
ما هو جابلها *** الماس وها يسعنا
هو ايه ده ايه ده *** خليه يسمعنا
حتى القمر زفوه *** بكلام يصدعنا
والواد شالوة من الارض *** خدناة وما رجعنا
وحبه فوق حبه *** خليتنا فرقعنا
وشريط كمان بيقول *** لولاكى ما سمعنا
لضموا الكلام بكلام *** الفاظ بتخدعنا
سيكا ومزيكا *** ونشاز مضيعنا
ضجيج ومستقوى *** وبيلوى فى دراعنا
اهرب واسيبه الاقيه *** برضه فى شوارعنا
رعد ولا فى امشير *** زلزال بيبلعنا
يشخط كمان ويقول *** قرب وقول معنا
تعالى خليك ذوق *** قرب وشجعنا
ولو ما شجعتش *** بالعافيه اسمعنا
يا خلق نفسى افهم *** المغنى ده بتاعنا
فينك يا فن زمان *** فينك تمتعنا
ده لو مفيش غير ده *** ان شالله ما سمعن